Sailkapena
F. Troglodytidae,
O. Passeriformes
Identifikazioa
Europako hegazti txikienetakoa da. Arre-gorrixka kolorekoa eta oso ildaskatua. Isatsa oso motza dauka eta maiz altxatzen du. Kantu indartsua, urrutitik entzun daitekeena. Espezie lurraldekoia.
Kantua
Banaketa geografikoa
Habia iparraldeko hemisferioaren zati handi batean egiten du. Euskal Autonomia Erkidegoan lurralde osoan aurki dezakegu, eta Donostian ere hiriko edozein txokotan.
Habitat-a
Era guztietako habitatekin lotuta dago, baldin eta begetazio baxua eta trinkoa badago; bertan jarri ohi du habia. Baso- eta zuhaixka-erako habitatetan bizi da, baita parke eta lorategietan ere.
Lekualdaketak
Espezie sedentarioa Europa hegoaldeko herrialdeetan. Hegazti nordikoak kontinentearen hegoaldera joaten dira negua igarotzera; halaber, gune garaietan umatzen duten populazioak leku epelagoetara jaisten dira neguan.
Mehatxuak/Kontserbazioa
Espezie hau ez dago arriskuan. Baso-azaleraren errekuperazioa mesedegarria izan da hegazti honentzat eta gaur egun neurrian hazten ari da Espainia osoan, urteko, %0,8ko hazkunde-tasa. Hiriguneetan, ibar-baso eta zuhaitz-gune eta begetazio trinkodun guneen suntsipena mehatxua izan daiteke hegazti honen kontserbaziorako. Testuinguru horretan, parkeetan gune “basatiak” uztea gomendatzen da, lorategirik gabe.
Txepetx arrunta-aren bero-mapa Donostian