Sailkapena

F. Sylviidae, O. Passeriformes

Identifikazioa

Europako hegazti txikienetako bat. Itxura potxoloa, kolore berdea du goiko aldeetan eta okre-zurixka beheko aldeetan. Buruko diseinu deigarria du, hurrengoa duena: gandor hori-laranja (asaldatzen denean altxatzen du) ertzean marra beltza duena, beste marra zuri bat du jarraian, begiko marra beltza, eraztun-erdi zuria begiaren beheko aldean eta bibote beltza. Sexuak antzekoak.

Hosto eta adarren artean bilatzen duen ornogabe txikiez elikatzen da. Armiarma kontsumitzaile eraginkorra da.

Kantua

Banaketa geografikoa

Paleartiko Mendebaldean banatuta. Euskal Autonomia Erkidegoan lurralde osoan agertzen da. Donostian oso espezie arrunta da, ia udalerri osoan aipatzen dena. Hautemateko erraza da, behin bere kantua ikasita.

Habitat-a

Basoko hegaztia; hostogalkor-masetan eta koniferoetan agertzen da. Lorategi eta parkeetara ondo egokitu da, baldin eta baso-masak badaude.

Lekualdaketak

Europa hegoaldeko populazioak sedentarioak dira. Neguan, gainera, kontinente hegoaldeko herrialdeek Europa erdialde eta iparralde jatorriko erregetxoak hartzen dituzte. Gipuzkoa bezalako eskualdeetan, hala ere, ezezaguna da neguan ikusten diren hegaztien zein proportzio diren bertakoak edo kanpotik datozenak.

Mehatxuak/Kontserbazioa

Mehatxaturik ez dagoen espeziea. Izan ere, penintsula mailan gertatzen ari den baso-masaren berreskurapena espezie honen populazioaren gorako joera eragiten ari da. Donostian, basoen eta ondo garatutako zuhaiztiak dituzten parkeen kontserbazioa udalerrian espezie honen presentziarako mesedegarri dira.

Erregetxo bekainzuria-aren bero-mapa Donostian